បន្ទាយមានជ័យ៖ គម្រោងប្រព័ន្ធលូ និងស្ថានីយប្រព្រឹត្តកម្មទឹកកខ្វក់ នៃគម្រោងអភិវឌ្ឍន៍ទីក្រុងគួរឱ្យចង់រស់នៅ និងទីលានទុកដាក់សំរាម និងលេចចេញរូបរាងនៅក្នុងក្រុងប៉ោយប៉ែតដែលនិងគ្រោងចំណាយថវិកាលើគម្រោងនេះប្រមាណជាង ៧៤លានដុល្លារអាមេរិក។

គម្រោងនេះត្រូវបានប្រកាសនៅថ្ងៃទី២៧ ខែកុម្ភៈ ឆ្នាំ២០២៤ បន្ទាប់ពីអនុរដ្ឋលេខាធិការក្រសួងសាធារណៈ និងដឹកជញ្ជូនខេត្តលោក វង្ស ពិសិដ្ឋ បានដឹកនាំកិច្ចប្រជុំស្តីពីការរៀបចំ គម្រោងប្រព័ន្ធលូ និងស្ថានីយប្រព្រឹត្តកម្មទឹកកខ្វក់ និងទីលានទុកដាក់សំរាមក្រុងប៉ោយប៉ែត ដោយមានការចូលរួមពីភាគីពាក់ព័ន្ធ នៅសាលាខេត្តបន្ទាយមានជ័យ។

សូមបញ្ជាក់ថា គម្រោងអភិវឌ្ឍន៍ទីក្រុងគួរឱ្យចង់រស់នៅ និងទីលានទុកដាក់សំរាម នៅក្នុងក្រុងប៉ោយប៉ែត ក្រុមការងារបច្ចេកទេសកំពុងធ្វើការសិក្សា ដោយអនុគម្រោងទី១-គ្រោងចំណាយថវិកាជាង ៦២លានដុល្លារ ទាក់ទងទៅនិងគម្រោងប្រព្រឹត្តិកម្មទឹកកខ្វក់ ដែលមានបណ្តាញលូ ចម្រោះទឹកកខ្វក់។

អនុគម្រោងទី២-គ្រោងចំណាយថវិកាចំណាយថវិកាជិត ១២លានដុល្លារ អនុវត្តលើគម្រោង ប្រព័ន្ធគ្រប់គ្រងសំណល់រឹង នៅក្នុងក្រុង។

គម្រោងនេះអនុវត្តក្រោមហិរញ្ញប្បទានសហប្រតិបត្តិការរបស់ធនាគារអភិវឌ្ឍន៍អាស៊ី (ADB) គម្រោងអភិវឌ្ឍន៍ទីក្រុងគួរឱ្យ ចង់រស់នៅ ផ្តោតលើការរៀបចំហេដ្ឋារចនាសម្ព័ន្ធសម្រាប់ក្រុងប៉ោយប៉ែត ក្រុងកំពត និងក្រុងបាវិត រួមមានការងារសាងសង់ប្រព័ន្ធបណ្តាញលូ ប្រព័ន្ធចម្រោះទឹកកខ្វក់ និងទីលានទុកដាក់សំរាមជាដើម៕